Университетте канадалық профессор семинарлар сериясын өткізді
-
15 мамыр, 2023
![Университетте канадалық профессор семинарлар сериясын өткізді]()
2023 жылдың 01-15 мамыр аралығында «Қазақ ұлттық қыздар педагогикалық университеті”» КЕАҚ қабырғасында Канаданың Торонто университетінің профессоры Сарфароз Ниёзов (Dr Sarfaroz Niyozov) «Ғылыми жетекшілер мектебі» семинар сериясын өткізді.
Профессор Сарфароз Ниёзов білім саласындағы зерттеулермен айналысатын Scopus базасында 14 мақаласы (Хирш индексі – 7) жарияланған ғалымдардың бірі. Семинарға ғылыми жоба жетекшілері мен қатысушылары,«Ғылыми зерттеулер әдіснамасы» пәні оқытушылары, профессор-оқытушылар құрамы, докторанттар қатысты. «Ғылыми жетекшілер мектебі» семинар сериясы білім саласындағы зерттеулердің әртүрлі салаларына, соның ішінде сапалық көрсеткіштерге және тәжірибеге бағытталған. Атап айтсақ,
Зерттеу дегеніміз не және оның адамның басқа интеллектуалдық әрекетінен айырмашылығы
- Әдебиеттердің/дереккөздердің теориялық және тұжырымдамалық негіздері
- Зерттеу сұрақтарының мақсаттары мен нәтижелері
- Зерттеу түрлері (сапалық,сандық және аралас әдістер)
- Зерттеу парадигмасы позитивизм, интерпретвизм, микс парадигмасы
- Позициялық және рефлексивтілік атты тақырыптардың аясын қамтыды
Сонымен қатар профессор Сарфароз Ниёзов семинарлар сериясынан бөлек «Пересмотрение дискурсов деколонизации оброзования:размышление из центральной Азии» және «Подготовка докторантов в Канаде: Кейс института оброзовательных исследований Онтарио университета Торонто» атты тақырыптарда екі қонақ дәрісін де өткізді. Семинарлар сериясын толық аяқтаған қатысушыларға білім саласындағы зерттеулерге, соның ішінде сапалық зерттеулерге арналған «Ғылыми жетекшілер мектебі» семинарлар сериясын толық аяқтағаны үшін арнайы сертификат берілді.
Сертификатты Басқарма Төрағасы – Ректор Гүлмира Әмірханқызы мен профессор Сарфароз Ниёзов өз қолымен салтанатты түрде табыстады. Қатысушылар семинар барысында көптеген құнды ақпараттарға қанығып, шетелдік озық тәжірибелерді тыңдап, өз тәжірибелерінде қолдануға асығыс екендіктерін жеткізді.
Университет атынан профессор Сарфараоз Ниёзовқа өз білімі мен тәжірибесін бөліскені үшін алғыс айтамыз!
МЕДИА
Бөлісу:
