Қазақ ұлттық қыздар педагогикалық университетінде кезектен тыс президент сайлауында дауыс беру үшін 2 сайлау учаскесі жұмыс істеуде.
Университет аймағында №102, №105 сайлау учаскелері өз жұмысын жергілікті уақыт бойынша сағат 07:00-де бастады. Дауыс беру кешкі сағат 20:00-ге дейін жалғасады.
Сайлау белсенді түрде өтуде, еліміздің жарқын болашағын таңдағысы келетін көптеген азаматтар азаматтық ұстанымдарын көрсетіп, белсенділік танытуда..
Қазақ ұлттық қыздар педагогикалық университетінің Басқарма Төрағасы – Ректоры Гүлмира Қанай және Басқарма мүшелері де азаматтық таңдауларын жасады.
Университетте орналасқан сайлау учаскелерінде бекітілген тізім бойынша жергілікті тұрғындар мен университет ұжымы, сондай-ақ студенттер саяси науқанға белсенді қатысып, өз таңдауларын жасауда.
Сайлауға қатысу – Қазақстан Республикасының әрбір азаматының басты парызы, баршаңызды өз сайлау бөлімшелеріңізге барып, өз таңдауларыңызды жасауға шақырамыз!
