Қаржылық сауаттылық - қарызсыз қоғам кепілі
-
29 мамыр, 2024
![Қаржылық сауаттылық - қарызсыз қоғам кепілі]()
Жастар саясаты орталығының ұйымдастыруымен «Қарызсыз қоғам» жобасы аясында қаржы сарапшысы Брасилов Жандос Рахметуллаевич студенттер мен қызметкерлер арасында қаржылық сауаттылық бойынша бір апталық оқыту курсын өтті.
Жобаның негізгі мақсаты - халықтың қаржылық сауаттылығын арттыру.
Бүгінде 6,3 миллионға жуық қазақстандықтың банктік несиелері өтелмеген. Қолжетімді несиелер, қаржы ұйымдарының жоғары пайыздық мөлшерлемелері, ең бастысы, қаржылық сауаттылықтың төмендігі – жыл сайын тұрғындардың қарызының өсуін арттырады.
Жобаның мақсатты топтары:
- несие бойынша берешегі бар және борышкерлер тізімінде тұрғандар;
- ағымдағы несиелері бар және олар бойынша кешіктірулері болуы мүмкін адамдар;
- мемлекеттік бағдарламалар бойынша қаржыландырылатын, жеңілдетілген несиелер алып, кәсіп бастағысы келетіндер.
Оқытудың мақсаты
- Жеке және отбасылық бюджетті құрастыра білу, тауарлық несиесіз тауарлар мен қызметтерді алу мүмкіндігін, несие мен қарыздың тұзағына түспеу жолдарын талдай білу.
- Несие нарығын талдап, дұрыс және тиімді шешім қабылдау үшін несиелеу шарттарын түсіне білу.
- Қаржылық инвестиция құралдары мен жалған компаниялардың алаяқтық әрекеттерін ажырата білу.
- Жеке тұлғалардың банкроттық рәсімінде өз құқықтарын қалай қорғау керектігін білу.
- Бизнес-жобалардың табыстылығын анықтау үшін қаржылық есептер жасау, қаржылық тәуекелдерді талдау, қаржылық «қауіпсіздік жастықшасын» қалыптастыру.
Ең бастысы, олар отбасының әл-ауқатын арттыруға қажетті қаржылық сауаттылық саласындағы құзыреттерді арттырады. Курсқа университеттің 40-қа жуық қызметкерлері мен студенттері қатысып, аяқталған соң курс өткендігін растайтын арнайы сертификаттар берілді. Сондай-ақ, қаржы сарапшылары мен заңгердің жеке кеңесі жүргізілді.
Бөлісу:
