Алаштың Ахметі
-
05 қыркүйек, 2023
![Алаштың Ахметі]()
QYZPU Филология Институтының профессорлары мен білім алушылары Ахмет Байтұрсынұлының ескерткішіне гүл қойып, қазақ тіл білімі атасының рухына тағзым етті.
Әрі ағартушының мұражайы-үйіне бас сұғып, педагогқа тиесілі жеке заттарын тамашалап, тарихи жазбаларды оқып қайтты. Оқытушылардың жастарды ұлы тұлғаның ескерткіші мен мұражайына ертіп барудағы мақсаты – ұлы қайраткердің қайсарлығы мен ұлтжандылығын дәріптеу, болашақ ұстаздардың бойына сіңіру, алдағы уақытта олар да өз шәкірттеріне осындай қазақтың айтулы тұлғаларын ұмыттыртпай, көрсетсін деген ниет.
Сонымен қатар осындай айтулы мерекеде филологтар студенттерге Ахмет Байтұрсынұлының өлеңдеріндегі автостереотиптердің аксиологиялық әлеуеті туралы түсіндірді. Ұлттық мәдениет, ұлттық тіл, діл, ұлттық мінез секілді ұғымдардың тереңіне бойлап, қазақтың қалпы туралы әңгімеледі.
МЕДИА
Бөлісу:
